K2 Kitchen (已結業)

又喺观塘工厦揾食，四个人，基本上我哋都系逐间逐间试，第一次嚟呢一度，叫咗四个set lunch，米兰海鲜长通粉，纽西兰黑安格斯肉眼扒，松子仁酱烤三文鱼，香煎极黑色猪肉眼 。最好食系长通粉同三文鱼，长通粉果汁辣辣地，要出面高级西餐厅嘅水准，长通粉煮得啱啱好，配埋个汁超过100分，仲要只系七十几蚊，三文鱼够香脆，今日无白桃汁，转左士啤多梨汁，一样咁夹。扒类比其他观塘工厦水准高，摆盘亦都比较精致，以呢个价钱来讲唔应该挑剔！每个午餐都可以拣汤或者沙律，仲有免费嘅冷盘小食，同埋条条面包饼干！每个餐仲可以拣饭或者蔬菜！同埋佢杯咖啡真系冲得唔错！仲有一个抵赞嘅地方，就系佢坐得比其他观工西餐厅舒适！