蓮香居 (已結業)

其实我呢个人都几闷！曾经系上环返工，就成日去莲香居饮茶，当饭堂！以前系佐敦返工，就成日去逸东轩食饭，又系当饭堂！星期日下午去上环文娱中心看话剧，就想起莲香居！仲识得泊车系永乐街非法位，无食牛肉干，哈哈！真系、真系、真系好耐无来，感觉依旧亲切，仍然系咁既枱椅，木凳脚、防火胶板座板，旧系旧 D, 但系舒服！水滚茶靓，茶壶仍然印有有香港莲香四个字。叫了基本既虾饺、凤爪、鹌鹑蛋烧卖等等！喜欢呢度凤爪，无太浓味精同色素，虾饺皮薄虾爽，以前必食既鹌鹑蛋烧卖保持水准，马拉糕仍然蓬松可口，叉烧包馅料饱满！完全满足怀旧心态！开心其实真系好简单！