新樂富美食 (已結業)

上次喺度写左第一篇食评，评左佢地嘅洋葱猪排饭…… 今次又系我啦，呢度就好似系我嘅世界咁，得我一个评……（利申：我同呢间店完全冇关系架！） 豉油鸡髀 都算大只，六吋倒啦，我去皮食，好明显见到一层层嘅油流出来 食落有d「鞋」，证明佢煮熟，我最怕出面d鸡髀唔熟， 咬到底仲见血𠮶d，食完会肚疴架！ 味道啱啱好，豉油唔会太咸，唔似美心快餐𠮶d，咸到好似用豉油浸左成年咁，连d骨都腌到咸晒，次次都要外卖番屋企，用热水浸完先可以食！ 单买只鸡髀当下午茶都ok，当饭就略嫌太寡，我会建议大家喺旁边嘅「阳光豆浆店」，或者附近嘅「包点先生」买个馒头，又平又够饱，当lunch一流！