銀都冰室

营业中

休息中

头轻轻眼蒙蒙, 父母各有不适, 唔好意思叫佢地落街帮我买野食, 唯有顶住自己落街买。买左个提子麦包。正常大小, 但系就好坠手下。一咬就明白点解咁坠手, 包唔够松软, 空间唔够多, 应该系发酵不足所致, 而且湿度较高, 除此之外, 味道则算过得去, 但系提子干少, 只有寥寥数粒, 不过我志不在此, 所以冇所谓。平时食开其他包都冇唔够松软同偏湿o既问题, 今次系第一次食呢度呢一只包, 可能系拣错包食或者偶一失手。今次招呼系一个年纪较轻o既姐姐, 笑容满面, 好有礼貌。此外, 连续两日见到大大个胀卜卜豆沙烧饼卖相几吸引, $2一个, $5更有3个, 下次真系要试下。