文記火鍋

营业中

休息中

天气凉凉地，又有想打边炉嘅感觉，同阿妈讲不如夜晚唔好煮饭，出去打边炉。好彩佢无买定𩠌，不过佢话唔好去咁远，近近地喺大围食。之前食开嘅火锅店食过几次，所以上网揾下有冇其他新选择，就发现呢间好似几抵，试一试啦。汤底我地点左椰子鸡锅，味道清香，饮半碗先开始打边炉。配料有多款选择，我地点左3宝丸，饺子拼盘，炸鱼皮，猪红，唐生菜，同埋重点牛魔王3拼。最推介系手切牛，牛肉味道浓郁，够新鲜，唔会过肥或有筋。埋单加埋每位都唔使$200蚊，都好抵食，份量同质素都唔错，下次打边炉又有多一个选择。