梨泰院 (愉景新城) (已結業)

突然好想食炸鸡，谂起炸鸡一定系食韩国嘢啦，探荃湾嘅朋友仔，梗系要留系荃湾消费一下。系愉景新城入面揾到呢度，就试下啦。好，坐低睇下有咩好食先。首先有啲前菜食下，泡菜系我嘅最爱。蜂蜜柚子味炸鸡，柚子味甜甜地，最紧要系多汁唔会干，炸鸡脆卜卜，唔错。芝士辣炒章鱼，海量嘅芝士，拉丝拉极都唔断，炒章鱼又唔会太辣。韩式炒年糕，烟烟韧韧嘅年糕，真系食极都唔会厌。饮品就叫左朱古力，柚子蜜，饮品都好大杯，食得好开心。