榴蓮王 (已結業)

夏天又系榴梿最旺嘅季节，最好食嘅就梗系可以食到新鲜嘅榴梿啦，甜品制品对我来讲亦都系一个唔错嘅选择。之前睇杂志介绍呢到有好嘢食，所以嚟到呢一度试一试佢嘅榴梿甜品。姐姐话所有嘅甜品都会系即制嘅，所以等咗大概10几分钟先至会有得食，虽然耐咗啲，但系即刻整嘅我深信系会好食啲嘅。榴梿班戟嘅味道真系唔错，个班cake皮嘅厚薄适中。入边嘅榴梿馅呢就有少少冻冰冰嘅感觉，味道非常之浓，真系猫山王。一份有两件30几蚊，胜价比高。另外一个榴梿拿破仑，个人嘅感觉就觉得中等，虽然系中间嘅榴梿嘅榴梿味道都系好香。但系拿破仑同榴梿嘅配合到始终都系争啲感觉，拿破仑嘅饼味抢咗榴梿嘅香。