Oliver's Super Sandwiches (已結業)

9月26日, 因为剪咗张报纸嘅coupon, 衬今日系到期前就黎食下, 呀菲又想试佢地嘅焗薯, 近近地喺炮台山度食啦, 真系水静鹅飞, 星期六晚饭时间都冇人… 都好, 我地可以静静地食个晚餐~::: 挪威三文鱼白汁碎蛋意大利包 + 凯撒沙律 ::: $39 + $4跟餐仲有个什菌忌廉汤, $39优惠算系十分平~ 忌廉汤真系超多什菌, 味道可能多什菌嘅关系, 有少少药材味咁, 不过整体算creamy, 可以接受~ 跟住有半份意大利包同半份沙律. 意大利包十分软熟, 挪威三文鱼都ok新鲜, 加埋白汁碎蛋个配搭尚算match~ 欣赏佢嘅凯撒沙律面包够脆, 沙律汁够fresh, 加少少烟肉粒, 令本身唔系好新鲜嘅生菜变得都叫做可以入口~ 另外, 加$4跟杯冻柠茶, 茶味比较涩, 麻麻地…::: 鸡肉忌廉粟米焗薯 ::: $30小小的焗薯塞满鸡肉同忌廉粟米, 面头仲有少少粟米同烟肉粒. 鸡肉都颇嫩, 味道尚可. 忌廉粟米系罐头货, 甜味同焗薯融和一齐, 好似食甜品咁~ 美中不足系个焗薯唔够热, d toppings系近乎室温以下… 餐厅座位大多都用梳化, 坐起上黎好舒服, 又冇乜人, 可以慢慢食