寶哥火鍋味館 (已結業)

天气开始凉又系打边炉嘅时候喇，朋友嚟过呢间宝哥火锅觉得好抵，所以带我过嚟试吓，开头以为任食都抱着唔会有乜特别嘅心态，见到张点菜纸都仲以为系一般货色，但食过先知原来任食都可以咁高质。点完汤底但食咩都未点好，餐厅已经快手首先送来一碟刺身，入面仲有出名贵价嘅象拔蚌，虽然份量唔多不过食落真系好鲜甜，爽口又弹牙，又鲜味，绝对新鲜，超正啊。任食纸内都会有牛肉，但系呢一碟就系送嘅顶级肥牛，非常有牛肉味，好浓郁，好好好味。仲有仲有，仲有一大碟海鲜，鲜虾爽口弹牙，花甲好大只，劲鲜甜，鲍鱼、蚝、圣子全部好新鲜，虽然海鲜唔系任食，但质素劲高。仲有手打丸包括虾丸、墨鱼丸、牛肉，虽然都系一次性，但粒粒都超弹牙，手打真系唔同d，3款都好好味唔记得左讲个汤底，我地点左个沙鱼骨汤底，好入味仲好重胶质，感觉好补身，忍唔住饮左一碗先用来打边炉。终于讲返任食部分，推介脆肉鲩腩，真系脆身多肉，好好味，必食啊。菜类、响铃、鱼皮都系任点任食牛肉亦无限任点，而家牛肉咁贵真系食2碟已经回本，滚1分钟刚刚好，肉质鲜嫩有牛味，牛魔王绝对可以ko十碟八碟。汽水啤酒任饮，最正系竹䉀茅根水同酸梅汤可以成壶拎埋枱饮，哈，太豪爽啦，我钟意。