金記冰室 (已結業)

今个星期，我哋冇去过西环食饭，本来谂住去西环食点心，点知间点心铺太多人，所以我哋决定又系金记。同之前一样都系叫午市套餐。太少依然钟情青葱猪扒饭，而我今次叫咗瑶柱肉碎蒸滑蛋饭。同平时一样，餐汤系罗宋汤。上次大少话佢哋咖啡唔错，所以我决定跟大少一样饮咖啡。d猪扒仍然系两块大大块，旁边亦铺左好多青葱，白饭加咗色。我个蒸滑蛋饭亦都唔差。虽然个蒸蛋上面有少少水泡，但对我来讲已经够滑。个蒸蛋亦都会好足料，啖啖食到干瑶柱。个咖啡真系唔错，味道似系用西式大咖啡几冲,而唔系港式咖啡。大少同我已经2月内食咗三次金记，但系我哋依然觉得好食，翻兜机会甚高。