影片
更多
2017-11-23
163 浏览
晏昼执咗成日屋，夜晚费事煮饭，所以就出咗去同老公食元气，大概六点半左右入去都仲有机会坐到卡位。我哋一口气就点左好多样嘅寿司同埋小食，我哋用咗元气会员卡，扣番上次嘅积分，就平左＄30 。小食八爪鱼都算不错，都有六旧原只八爪鱼， ＄17来讲呢个价钱都算抵。反而佢嘅炸墨鱼咀就麻麻哋，味道劲咸，系炸得好香口嘅，但系食一旧起码要饮几啖水，下次未必再点。第一次是炸虾天妇罗手卷＄34 ,食落系温热的，入边有原只天妇罗虾，但系佢嘅外皮炸得太厚，唔系好食到虾味。其他嘅寿司质素都不错，试咗去新出嘅炙烧黑椒秋刀鱼＄14/1件，呢个系落单嘅时候推荐我哋嘅，又真系唔错㖞，食落唔似秋刀鱼，似烧鳗鱼嘅感觉，好肥美，下次再去都会再食。反而个炙烧芝士熟虾＄19，个卖相就真系好一般，最后我都冇食到俾咗老公食。元气有一大缺点就系，你落左单都唔知自己点左咩寿司，有冇走单又唔知，只有买单嘅时候先俾你核对账单，有时叫得太多都唔鬼记得左自己食乜嘢啦🙄
晏昼执咗成日屋，夜晚费事煮饭，所以就出咗去同老公食元气，大概六点半左右入去都仲有机会坐到卡位。
我哋一口气就点左好多样嘅寿司同埋小食，我哋用咗元气会员卡，扣番上次嘅积分，就平左＄30 。
小食八爪鱼都算不错，都有六旧原只八爪鱼， ＄17来讲呢个价钱都算抵。
反而佢嘅炸墨鱼咀就麻麻哋，味道劲咸，系炸得好香口嘅，但系食一旧起码要饮几啖水，下次未必再点。
第一次是炸虾天妇罗手卷＄34 ,食落系温热的，入边有原只天妇罗虾，但系佢嘅外皮炸得太厚，唔系好食到虾味。
其他嘅寿司质素都不错，试咗去新出嘅炙烧黑椒秋刀鱼＄14/1件，呢个系落单嘅时候推荐我哋嘅，又真系唔错㖞，食落唔似秋刀鱼，似烧鳗鱼嘅感觉，好肥美，下次再去都会再食。
反而个炙烧芝士熟虾＄19，个卖相就真系好一般，最后我都冇食到俾咗老公食。
元气有一大缺点就系，你落左单都唔知自己点左咩寿司，有冇走单又唔知，只有买单嘅时候先俾你核对账单，有时叫得太多都唔鬼记得左自己食乜嘢啦🙄
张贴
