大快活 (康怡廣場北座)

营业中

休息中

今晚又唔煮饭，见到免费报纸有 coupon, 可用$25食个手打墨鱼滑汤米线及$26叫个吉列鸡扒猪肉汉堡饭，咁就平平哋同老公去附近康怡广场嘅大快活试吓。，去到时大约6:15 pm左右，因为时间尚早，所以店内客人不多。手打墨鱼滑汤米线 --- 啲墨鱼滑唔知系咪真系手打，不过都几弹牙；而且仲有葱粒、生菜、腐竹及豆ト，清清地都几健康。啲米线都唔错，几滑漏；个汤我饮完之后一啲都唔觉口渴，应该无落到师傅。老公就话淡咗啲，不过清淡啲先健康嘛！吉列鸡扒猪肉汉堡饭 --- 呢个都几有创意，好似人地啲鸳鸯饭咁，有两边唔同嘅酱汁。块吉列鸡扒虽然未至于好松化，但啲边位都有少少脆，配埋个日式咖喱汁一齐食都唔错。至于块猪肉汉堡就浸咗喺啲茄汁上面，我一向都唔钟意蕃茄汁，不喜爱佢嘅酸味，但呢个蕃茄汁又调校得唔错噃，少少酸酸甜甜咁，𩠌饭一流。 老公仲话啲饭好靓，一粒粒，唔会黏埋一齐添。以咁嘅价钱食呢一餐，都算好抵。