影片
更多
2019-08-11
3119 浏览
休息日行过呢间火锅店，醒起旧同事成日话好食，见佢汤底做紧半价，一于入去辣辣爽吓。店内光猛企理，有啲中国农家味道，楼上窗旁更有啲客栈感觉。自助酱料区有16种选择，居然有老干妈！跟住指示整个正宗风味，麻油+蒜蓉，再加啲芫茜、葱、陈醋。有6种汤底，我哋拣咗鸳鸯锅，酸菜鱼锅（原价$198/半锅）正宗重庆麻辣锅（原价$84/半锅）由于有半价，成个鸳鸯锅都系$141咋。两款汤底各有千秋 ，麻辣汤底叫咗小辣，红油盖面，好多花椒+辣椒干，香气扑鼻，又麻又辣，越滚越辣，好过瘾。另一个系新汤底酸菜鱼锅， 鱼片嫩滑，有好多片，味道酸酸辣辣好开胃，呢个汤底都越滚越辣， 到后期会几辣架。唔想食咁多肉，叫多啲蔬菜类：铁棍山药$38，秋葵$38，冻豆腐$38，宽粉$38。豚肉片$68半份海鲜套餐$568好吸引，鲍鱼、海虾仲好生猛，鲍鱼、元贝各4只、海虾8只、脆肉鲩8片，全部都好新鲜！元贝鲜甜爽脆，鲜味十足！鲍鱼口感腍滑爽弹，好味！海虾大大只，肉质爽弹，味道鲜甜！豚肉片满有肉香，好味。宽粉煮熟后变透明，吸收咗汤汁好好食。由于两边汤底都越滚越辣，辣到我哋每人叫咗个沙冰，原来好大个架！哈蜜瓜鲜果沙冰 $88用咗成半个哈蜜
休息日行过呢间火锅店，醒起旧同事成日话好食，
见佢汤底做紧半价，一于入去辣辣爽吓。
店内光猛企理，有啲中国农家味道，
楼上窗旁更有啲客栈感觉。
自助酱料区有16种选择，居然有老干妈！
跟住指示整个正宗风味，
麻油+蒜蓉，再加啲芫茜、葱、陈醋。
有6种汤底，我哋拣咗鸳鸯锅，酸菜鱼锅（原价$198/半锅）
正宗重庆麻辣锅（原价$84/半锅）
由于有半价，成个鸳鸯锅都系$141咋。
两款汤底各有千秋 ，麻辣汤底叫咗小辣，
红油盖面，好多花椒+辣椒干，
香气扑鼻，又麻又辣，
越滚越辣，好过瘾。
另一个系新汤底酸菜鱼锅， 鱼片嫩滑，有好多片，
味道酸酸辣辣好开胃，
呢个汤底都越滚越辣，
到后期会几辣架。
唔想食咁多肉，叫多啲蔬菜类：铁棍山药$38，秋葵$38，
冻豆腐$38，宽粉$38。
豚肉片$68半份
海鲜套餐$568好吸引，鲍鱼、海虾仲好生猛，
鲍鱼、元贝各4只、
海虾8只、脆肉鲩8片，
全部都好新鲜！
元贝鲜甜爽脆，鲜味十足！
鲍鱼口感腍滑爽弹，好味！
海虾大大只，肉质爽弹，味道鲜甜！
豚肉片满有肉香，好味。
宽粉煮熟后变透明，
吸收咗汤汁好好食。
由于两边汤底都越滚越辣，辣到我哋每人叫咗个沙冰，
原来好大个架！
哈蜜瓜鲜果沙冰 $88用咗成半个哈蜜瓜，
沙冰堆到好高，
仲有3粒哈蜜瓜肉，
沙冰用哈蜜瓜汁整，
好甜又冰凉，即时解辣呀。
菠萝鲜果沙冰 $88菠萝沙冰系成个菠萝上，
除咗沙冰仲有菠萝肉，
好香菠萝味，
饮咗真系透心凉，
口腔完全无晒辣味。
张贴
