影片
更多
2006-05-22
38 浏览
食完苏记嘅猪扒面，意犹未尽，夜晚再嚟呢度同女友一家大擦一顿。深水埗夜巿大排档我都食得七七八八，但偏偏就未食过呢间，今晚真系有食神...叫咗都唔知几样𩠌，再加数瓶啤，差D食到反枱咁滞:1)炒生肠--- 加红青椒落去炒，香味四溢，亦够辣，生肠出奇地爽，即刻灌几啖啤酒落去，舒服晒^_^;2)豉汁炒蚬--- 够镬气亦够多汁，可惜壳多过肉，扣分，肉质尚可；3)炸大肠--- 明符其实嘅'大'肠，size 够巨，炸得皮脆内嫰，肠亦够肥，亦够香口，即刻又灌几啖啤酒落去；4)炒油麦菜--- 好难炒得唔好食，够油水就得...;5)沙姜鸡--- 端上嚟嘅时侯系热嘅，肉颇嫰，亦够油水，沙姜汁就不过不失;6)煎酿豆腐--- 我哋客家人嘅名菜，不过佢哋呢个水准就争D嘞，豆腐不够软滑，馅嘅份量过少，亦落唔够肥猪肉，所以唔够滑，𠮶献亦打得太杰la;7)豉汁蒸乌头--- 鱼当然唔系一级货la，无乜黄油，不过D肉就几滑，小弟系鱼王，所以差唔多包辨大半条；8)豉汁蒸仓鱼--- 唔够喉，再嚟一条，调味一样，鱼当然亦唔系上等货，但小弟依然'擦'晒；9)豉汁(又系^_^)炒蛏子--- 够镬气，可惜蛏子唔够肥美，我同女友上星期系旺
叫咗都唔知几样𩠌，再加数瓶啤，差D食到反枱咁滞:
1)炒生肠--- 加红青椒落去炒，香味四溢，亦够辣，生肠出奇地爽，即刻灌几啖啤酒落去，舒服晒^_^;
2)豉汁炒蚬--- 够镬气亦够多汁，可惜壳多过肉，扣分，肉质尚可；
3)炸大肠--- 明符其实嘅'大'肠，size 够巨，炸得皮脆内嫰，肠亦够肥，亦够香口，即刻又灌几啖啤酒落去；
4)炒油麦菜--- 好难炒得唔好食，够油水就得...;
5)沙姜鸡--- 端上嚟嘅时侯系热嘅，肉颇嫰，亦够油水，沙姜汁就不过不失;
6)煎酿豆腐--- 我哋客家人嘅名菜，不过佢哋呢个水准就争D嘞，豆腐不够软滑，馅嘅份量过少，亦落唔够肥猪肉，所以唔够滑，𠮶献亦打得太杰la;
7)豉汁蒸乌头--- 鱼当然唔系一级货la，无乜黄油，不过D肉就几滑，小弟系鱼王，所以差唔多包辨大半条；
8)豉汁蒸仓鱼--- 唔够喉，再嚟一条，调味一样，鱼当然亦唔系上等货，但小弟依然'擦'晒；
9)豉汁(又系^_^)炒蛏子--- 够镬气，可惜蛏子唔够肥美，我同女友上星期系旺角街市买𠮶D靓好多。
真系食到七个一皮，埋单都只系五百几，有冇计错数lei..?
张贴