北京水餃皇

营业中

休息中

呢条间好多间餐厅都食过啦，因为LUNCH真系好难谂食咩，今次又再挑战一啲系出面望入去感觉不太讨好既餐厅，呢间北京水饺店，全部姐姐都操国语(可能真系北京口音，唔识分)，我同意头先睇到一个食评话佢地冇礼貌，真系几冇礼貌，入到去啲枱枱椅椅都唔太干净，灯光又好似唔够咁，奇奇怪怪。好随意咁叫左个韭菜猪肉水饺面 $39，姐姐话有粗面同幼面拣，拣左粗面，个面好快就到左，有饺子4大只，劲多雪菜，面既份量适中。呢间面个样都几得意，好似食紧乌冬，个卖相又有啲似九仔粉，食落去冇咩味，至于饺子虽然得4粒，但都算大只同埋入面几足料，我觉得煮得霖得济，一夹就散散地，韭菜猪肉都好正常，冇咩特别好味唔好味，所以整体黎讲都系麻麻，好似冇咩特别吸引既地方令人想黎多次。