稻香超級漁港 (已結業)

自从返左学之后，无乜机会饮到茶。呢日有时间，当然唔会放过去饮茶既机会啦。呢间都去过几次，价钱又唔算太贵。坐得又舒服，所以又再黎啦。叉烧濑粉佢起初系黎个饭，之后先黎返个濑粉。个叉烧都几好味，又唔会太咸。濑粉都可以既，唔会太韧又唔会太淋，过得去既。奶皇包次次都会食既，奶皇甜甜地，真系好正。菠菜猪肉饺呢个菜就几多，肉就唔多旧。好彩既系系，个饺既皮唔算太厚，唔系就唔好食啦。炸茄子呢个似食炸粉多，唔系唔好食既。个茄子其实几好食架，个个粉太厚，食左几啖先食到茄子。炸春卷呢个都几好味，有虾同有菜。无乜特别。净肠粉虽然无乜料，不过净肠粉既好处系比其他肠粉滑好食。呢餐都几抵食，四个人都系三十几蚊一位。