227甜棧 (已結業)

系太子食完饭,朋友推介去食呢间甜品店,佢话每次系呢边食完饭都一定黎食返碗甜品先完美,见佢讲到咁,当然黎试一试...综合粉圆凉粉($38):份量都几多,而且仲可以一次过试晒6种口味既粉圆,唔错.个人觉得蕃薯口味较为突出,可能椰汁味道太重,盖左其他口味,至于凉粉就无咩特别,但因为佢系一大旧,而且十分滑溜,好难"笔"起黎食,所以下次应该会拣返沙冰.自选鸳鸯豆腐花,红豆,小丸子,雪耳,黑糖寒天冻($34):豆腐花香滑有豆味,小丸子好Q弹,雪耳好大块,感觉好滋润,寒天就黑糖味重而且爽滑,朋友仲点左姜汁糖水,最岩配豆腐花一齐食,另附既黑糖沙冰打得好细滑,而且唔会太过冰冻,好易入口.