日本野 (已結業)

呢间成日都帮衬🤭 因为整体食物质素高, 份量又多, 性价比高, 所以好值得再访！餐厅装修走日式简约木系风格, 更设有卡位, 用餐环境舒适～ 日本菜式选择多, 有招牌石烧牛、丼饭、刺身、寿司🍣、沙律等等, 点晚市套餐仲可以追加小食𓌈˒˒ 🍚自选丼饭 - 刺身拣咗三文鱼、甜虾、油甘鱼、三文鱼籽, 另外会附送汤/沙律、饮品。款款刺身都好新鲜～🍣精选寿司拼盘 - 有葱吞拿鱼蓉、甜虾、章红鱼、左口鱼、三文鱼籽、油甘鱼。葱吞拿鱼蓉入口鲜美绵滑; 左口鱼边好肥厚, 口感滑嫩, 充满鱼油香; 油甘鱼够鲜甜🍣火炙三文鱼寿司 - 一客有2件, 三文鱼轻轻炙烧过, 被火炙过嘅三文鱼迫出鱼油, 好鲜嫩, 上面有沙律酱增添味道🥗和风炒野菜 - 食落有日式酱油香气, 椰菜清甜又爽脆, 充满和式风味～