波仔

营业中

休息中

波仔不嬲都系方便之选, 收工夜唔想煮又可以食, 当宵夜又得, 估唔到而家产品种类仲多左! 除左有一系列嘅饭类／粥品／意粉／汤之外, 仲有糖水／素食系列等等, 买完野仲有大大个保温袋装住d野食, 好方便! 最近波仔仲同雀巢KIT KAT首度联乘, 推出左KIT KAT朱古力脆脆西多士!用气炸锅或焗炉加热就食得, 简单又方便, 当然要买嚟试下 ✨️KIT KAT朱古力脆脆西多士西多士外层金黄香脆嘅西多士, 入面涂满浓厚嘅kitkat朱古力威化脆脆酱, 真系极邪恶, 朱古力酱劲多, 真系下午茶必食之选, 加埋杯冻柠茶无得输, 想再肥d, 加番球雪糕仲正🤣 ✨️花生肉粒粥+冬菇滑鸡粥+油条两款粥都好足料, 味道鲜甜,粥底够绵滑, 食完好暖胃, 几有惊喜! 食粥一定要配埋油炸鬼食! 估唔到而家可以气炸油炸鬼, 随时都食得超方便!✨️南京猪扒菜饭✨️日式滑蛋猪扒饭✨️日式咖哩猪扒饭✨️海带绿荳沙大大碗超足料, 味道香浓, 唔太甜, 几中意佢地嘅甜品, 下次买埋个芝麻糊试下先