和味館 (已結業)

经过见到原来新开两个月到，今晚有幸同老公去食晚饭，两个人不能多选择，佢想食回窝肉，我想食蒜香骨，实在大多小菜选择，新装修环境让人坐得舒适，而且干净企理服务员亦好好服务，不用叫也会自动帮我地换骨碟，可能新开无爆场所有有点宁静，不过迟些必会多人，因为食到热辣辣上枱小菜，如果多人亦好适合好多大枱供应的。因为位置好方便我地，下次附近睇完戏多个选择！ 厅四围都可睇到电视，啱晒我地平时无时间睇电视嘅人，可以一路食一路叹。榄菜肉松四季豆 $48热辣辣出晒烟，份量大，食落有镬气调味适中，榄菜嘅咸香好出色，加肉碎同松软四季豆同炒超惹味。蒜香骨 好味指数**** (最高*****) $78超吸金黄香脆但仍保留肉的水份唔会过干，味道腌得够味，再用上蒜粒做到唔辣避风塘的做法煮理，非常惹味，如果送酒应该更佳川辣回锅肉 $68啱晒我老公口味，香辣五花肉炒得爽脆，睇落带肥但食落一点也不腻，红绿尖椒颜色亮丽但都几辣的，不过一齐同食辣又好爽下。烧腩仔 $48选用左五层肉腌得咸香但可能过左一段时间，唔够脆皮但还味道可以的。白饭点少得呢 d𩠌咁好送饭！ 价钱合理街坊价 两公婆食左3百零蚊也可以接受。影左Menu比大家参考。