都會坊餐廳 (已結業)

今次叫咗两个餐一个系吉列牛扒，另外一个呢系西冷，依家叫第二个餐系有半价架，加埋饮品除番开百几蚊一个人，都算抵食丫~每个餐都有餐汤同埋一个配菜，佢啲餐汤正正常常嘅偏甜罗宋汤同粟米忌廉汤~ 不过个蒜蓉包就一个脆一个有啲淋，如果2个都脆卜卜会好啲🤔之后就系主菜喇，首先嚟嘅系西冷扒，佢系有个石板返俾我哋慢慢烧嘅，所以真系全生咁俾我地又生烧到熟。西冷扒好厚身，望落去都有成寸厚，系有啲惊喜。食落又几淋，不过唔算系好重牛味。吉列牛佢都有几多旧，不过就细旧咗少少，比起之前食过几间都细旧🥺 铁板烧落去真系香喷喷，肉质都唔错几淋，比起西冷，吉列牛牛味重啲，我觉得好味啲😎不过2个牛餐都有个石/铁板嘅缺点，就系缺点铁板好快唔热/ 等左好耐都唔热，都唔知系咪因为我坐正冷气位😭如果铁板快啲热会更好啰。咁好彩依度嘅侍应好话头醒尾，识得自己帮我自动自觉换铁板，做野又好快手👌🏻所以可以自己动手烧系几好玩嘅，而且第二份半价嘅优惠下又唔贵，特别系西冷大大份，食到好饱呀👍🏻