十三少 (已結業)

放宽晚上堂食，约咗很久冇见嘅朋友食饭吹吹水，就去咗13少，环境舒适座位宽躺，入坐送上小食一碟(脆卜卜)。我哋Order 二人餐，吹水边食小食一边等。椒麻皮蛋橙黄色的皮蛋好晶莹通透，颜色上和平常一般深啡黑色不同，配搭辣蒜茸夹埋一齐食最可囗。十三少酸菜鱼 一黎到已经令人哗然(碟嘅size），放低枱上一阵阵酸菜香味扑鼻流晒口水，份量非常丰富，用鱼骨熬制汤底香浓，每日新鲜鲈鱼，配料芝麻、菇菌、酸菜、泡椒花椒、莴笋等。鱼肉起哂骨啖啖肉又嫩滑，白饭配上酸菜鱼汤好开胃一流。川式口水鸡小辣惹味还有麻香味，青瓜粒爽口入晒味，鸡肉滑滑溜唔嚡口，鸡皮冇肥油。红糖糍粑非常喜欢这个甜品，外脆内软、烟烟韧韧，内𥚃似糯米糍感觉，食落口暖笠笠，外层黐上黄豆粉，配有秘制黑糖随个人囗味选择沾上(本人太喜欢黑糖浆)，值得推介。