同德素食

营业中

休息中

同屋企人食饭，因为妈咪本身食素，所以就揾咗间睇落几好食既素食店去食。上到去，间餐厅唔算大，目测应该有30个位左右，不过环境同装修都感觉好舒服。我妈本身都唔太会中意出去食素，因为佢觉得出面啲素食唔太好食(佢觉得自己煮仲好食🤣🤣)。不过试咗之后佢都话呢间好好食。佢地啲寿司整得好靓，又好食。妈咪好欣赏个芒果牛油果苜蓿芽手卷，如果唔系叫咗好多野食的话会再叫多个。个香椿鱼翅蛋白炒饭有好香既香椿味，真系有一条条既"鱼翅"，我地大家都好想知啲"鱼翅"用咩做。因为我同妈咪都好中意食猴头菇，所以就叫咗个用猴头菇做嘅士多啤梨骨，好好食，不过士多啤梨骨系有火龙果无士多啤梨好好笑🤣🤣最后 我哋叫咗个姜汁菊花豆腐花食，手工真系好好，个豆腐花整到好似一朵花一样咁靓，虽然食个时唔太方便，不过系好食既，唔太甜，如果姜味再重小小就好啦。