Barista Caffe (已結業)

同朋友仔食dinner，由于大家都0系湾仔，为方便(当然，朋友都话呢间ok)，我地继续0系湾仔食dinner。由于夜晚office大多放晒工，成间cafe得我地一台客。我地点左两个set—菠菜大虾意粉同埋蚬肉肠仔天使面。set包salad，加几$仲有饮品，可以拣latte同其他不同款的咖啡(+$12有cake)。Salad的醋落得重手左dd，但都好fresh。蚬肉肠仔天使面的味道醒胃，蚬肉、肠仔同菇都几多；菠菜大虾意粉比较清dd，菠菜够健康，而虾都几大只几靓(虽然大家都明白系雪既)。我点左个gingerbread latte，虽然甜左dd，但姜味刚刚好。另外+$12要多个tiramisu，虽然系hea hea地，但都算抵既。唔知系唔系人少的关系，我觉得service唔错，我地系咁叫姐姐帮我地写野、加水、执野同影相，佢都仲可以保持笑容，亦都唔会催我地早d走等佢地可以早d收工。加埋都系$14x，呢个价钱+咁多野食(而食物都算唔错)，真系几抵。