祥發茶餐小廚

营业中

休息中

今日成日都系北角做嘢，临近中午有啲啲肚饿，醒起有间瑞士鸡髀出名嘅舖头就喺附近，咁就去试吓，今日叫咗瑞士汁鸡髀加沙嗲牛肉包，饮品系我例牌嘅冻斋啡走甜。唔使等好耐鸡髀就上台，髀唔大只，一啖咬落去，上髀肉实，面果一浸有瑞士汁味嘅，肉无味，下髀薄啲嘅位够味，温度暖暖地，味道比较普通。沙嗲牛肉包，𠮶包热嘅，面头仲脆嘅，最败笔系沙嗲牛系冻嘅，认真嘥咗个包，沙嗲牛肉味道普通。个冻斋啡走甜，都系茶餐厅惯例黑水一杯。其实点解只鸡髀可以煮到咁实但系又唔入味？你出名依样野㖞，唔系普通茶记㖞⋯⋯嗯⋯⋯⋯唔可能系我唔识欣赏，但个沙嗲牛就认真过分，完全影响晒，个包上台𠮶阵时靓靓仔仔以为好好味⋯⋯点知唉。本身净系计只鸡髀同埋个包，系Ok啦平平日，但今次俾咗劣，个劣系比冻嘅沙嗲牛肉戴返头盔先，我觉得好唔好食≠你觉得好唔好食，好唔好食因人而异。