影片
更多
2007-04-10
32 浏览
长假期最后一日已经一早俾我钟意唱K嘅妈咪约定由下午茶时段唱到夜晚. 佢选择九龙城广场一来贪佢有得泊车,二来因为冇咁方便,人会少d.前一晚打定电话book位,仲有booking number. 去到虽然都等咗一阵,但俾咗个二十人嘅party房我地四个,咩都抵哂啦,仲有投射大电视,独立厕所,都唔错. (因为佢本身唔系CEO,只有大房先有独立厕所)由于假日关系,所以下午茶系$59一位包两杯饮品,但就冇果盘,nuts收费. 我地都叫咗只系$12一款嘅下午茶餐. 咖哩薯饼沙律好味,因为好香咖哩味,而且又系我最爱嘅炸物,脆而不腻. 牛肉粒炒饭炒得几干身,以$12嚟讲就系超值水准. 仲有烟肉蛋公仔面我冇食,不过咁嘅价值,交足货.六点后每人加$30就可以享用自助餐. 当然我就冇要求,为求医饱个肚. 冷盘有荀,莲藕片,冷面,泡菜...有啲奇怪嘅组合. 好似仲有各款沙律. 汤类有洋葱汤,冬瓜汤,碗仔翅,仲有海鲜粥.又有一个小焗炉俾你自助焗蒜蓉包. 熟食有炸虾丸,咖哩角,烧肉,椒盐三文鱼鱼头(几好味),炸鸡棒,蒸鱼,咸水角,炸鸡卷,烧墨鱼丸,猪扒,腐乳蒸鸡,各款蔬菜,仲有好多,唔记得喇. 即烧串烧有猪,牛,
前一晚打定电话book位,仲有booking number. 去到虽然都等咗一阵,但俾咗个二十人嘅party房我地四个,咩都抵哂啦,仲有投射大电视,独立厕所,都唔错. (因为佢本身唔系CEO,只有大房先有独立厕所)
由于假日关系,所以下午茶系$59一位包两杯饮品,但就冇果盘,nuts收费. 我地都叫咗只系$12一款嘅下午茶餐. 咖哩薯饼沙律好味,因为好香咖哩味,而且又系我最爱嘅炸物,脆而不腻. 牛肉粒炒饭炒得几干身,以$12嚟讲就系超值水准. 仲有烟肉蛋公仔面我冇食,不过咁嘅价值,交足货.
六点后每人加$30就可以享用自助餐. 当然我就冇要求,为求医饱个肚.
冷盘有荀,莲藕片,冷面,泡菜...有啲奇怪嘅组合. 好似仲有各款沙律.
汤类有洋葱汤,冬瓜汤,碗仔翅,仲有海鲜粥.
又有一个小焗炉俾你自助焗蒜蓉包.
熟食有炸虾丸,咖哩角,烧肉,椒盐三文鱼鱼头(几好味),炸鸡棒,蒸鱼,咸水角,炸鸡卷,烧墨鱼丸,猪扒,腐乳蒸鸡,各款蔬菜,仲有好多,唔记得喇.
即烧串烧有猪,牛,羊,假蟹肉,鸡卷,烧卖,肠仔,仲有烧扇贝. 旁边又有辣鱼蛋,猪红,猪皮,萝卜.
另一边好大范围有四个电磁炉自助边炉. 有麻辣同清汤底. 配料有各菇类,肉类,菜类,虾,九肚鱼,等等. 都几得意,自己攞小小汤落煲仔度,加你钟意嘅料,系度煲熟佢. 意外地个麻辣汤底都几麻辣.
其实七点开始先有鱼生,寿司,手卷,不过冇兴趣食,唔食都估到质素系点啦,不过依然有好多人排队.
食物水准一般,我冇要求嚟讲都ok. 又唱又食到九点先收场,可以唱到泳儿,Kary,杏儿,Sammy,Twins嘅新歌,对我久休复出都算几满意.
张贴
