沐淳 (已結業)

呢排饮嘢，饮上瘾😮‍💨夏天……冰冻嘅嘢饮实在太引诱啦，行过见到俾佢嘅招牌吸引住。100%无添加，冇添加香精，冇添加色素，冇防腐剂。仲要用新鲜水果唔用果酱，唔用果糖用台湾天然蔗糖，就系比呢啲吸引到我🤣减紧肥又好想饮，咁梗系要拣间较为健康小小嘅，心理都平衡啲🤣我地拣咗一杯，一杯小芋圆大甲芋头鲜奶，芋圆好有口感配埋芋头粒好有层次，而且奶系用4.3明治鲜奶，重点我冇拣少甜少冰，甜度都啱啱好㖞另一杯系鲜百香果绿茶加寒天晶球，呢一杯我拣咗少甜少冰，好香嘅绿茶味，佢哋系用新鲜嘅百香果，同平时饮开嘅好唔同，感觉即刻健康咗😆推介👍🏻下次去开元朗会再饮