友利冰室 x 勿當奴 (D2 Place TWO) (已結業)

我相信大家由细到大都有食过某连锁快餐，佢地嘅汉堡🍔、薯条🍟一定记得咩味道！虽然近呢一两年我已经戒左唔食，但有时都想食返果一种味道！早前见到饮食男女嘅报导，觉得好得意🤣，所以前几日都嚟试试！巨无罅(BIG GAP)好明显系模仿紧一款汉堡包🍔，最好笑系连个名都差唔多😂！而味道同样地神还原，入面一样有生菜🥬、酸瓜同汉堡扒，意外地连酱汁都一模一样，都系酸酸地，食落好开胃。而汉堡扒口感比原版无咁死实，可见店主花左好多心机研究配方！每个套餐都包左薯条🍟同饮品，我比较钟意佢地既粗薯条🍟，食落外脆内软，比原版更有口感😋、同埋一定系热辣辣，够新鲜👍🏻！我仲另外加左一款小食，但我觉得炸得有点干，而外面又唔系好脆口，烧卖都系蒸嘅好味D，用椒盐炸未必合适🧐！呢度除咗美式快餐之外，仲有提供正常嘅茶餐，例如汤面🍜、焗饭。简单咁讲，我唔会话味道一般🤣，因为某连锁餐厅真唔会好好食，但餐厅胜在恶搞，同埋将汉堡包🍔嘅外貌、味道都神还原，真非常过瘾😂。价钱亲民，又足料，有机会经过嘅可以试返次！