美中·鴨子 (已結業)

是日礼拜日同屋企人去讲左好耐都未试嘅美中 · 鸭子 食饭，特别黎试试佢嘅烤鸭。无book位，所以趁12点就啦啦淋去攞位先。餐厅都几大，转角L位入面仲有十张枱，outdoor都有位不过𠮶日无人坐出面。我同妈咪黎坐低先，打算叫定填鸭，同埋少少前菜等爹哋黎再叫多啲。我地三个人总共叫左：最值得赞系个炸豆腐，炸得够脆又唔会好多油，唔腻👍🏻个质感有啲似臭豆腐不过无臭豆腐个味。个填鸭即叫即烤，鸭皮非常薄非常脆口🦆👍🏻不过服务员唔记得同我地讲个鸭会耐啲搞到我地等左好耐都唔知咩事😅胡椒包希望有改善，个包无咩胡椒味，胡椒可以落多啲。叉子烧饼好食不过比较辣，建议唔食得辣嘅朋友唔好叫喇🌶️～茶方面我地叫左三位嘅乌龙茶，但只有两个茶壶，其中一壶有两个茶包，另一壶有一个茶包，有啲奇怪会咁样serve俾人🍵😅总括黎讲个环境坐落都几舒悉，间餐厅几大，服务希望可以做得更好，食物水平👌🏻 食物价钱系尖沙嘴黎讲都算合理，如果夜晚黎食应该要订位/早啲攞位。