JK Brother’s (已結業)

JK 做开晚市打边炉，之前疫情期间多次要停晚市转过卖冻肉，难得而家开番晚市即过支持下。本身订位时对野食都无太大期望，因为真心想支持下，后黎睇下D相先知原来都多野选择。去到餐厅，选择左Prime 牛板腱任食，食物有分QR CODE落单同自助区两部分;牛肉就要同职员另加先有。QR CODE 落单选择既唔算多，有刺身、芝士挞、奶皇牛角包、酱油鲍鱼同虾等等；自助区有丸类、蔬菜类、海虾（虾、青口、蚬等贝类）、烧虾同烧蚝、炸物、饮品同甜品。汤底方面选左人参鸡汤，唔知点解愈食愈咸，用呢个汤底会令你唔洗点酱油就可以食。牛板腱推介，几好食，唔会过肥/瘦，油脂比例刚好，个人十分喜爱。刺身就无咩特别，不过不失酱油鲍鱼有少少辣。贝类食物几唔错，有鲜味，但食到有少少沙。烧蚝少失望，Cream多，只蚝烧到好细粒。饮品方面超多选择，仲有烧酒饮👍🏻另外十分推介芝士挞、奶皇牛角包，虽然食咁多野食到好饱，但真系要必食，仲要忍唔住叫多两个食，送上黎热辣辣，奶皇牛角包仲有少少流心既效果，超好食！最后甜品方面，有好多好多雪糕食，今次虽然无Mövenpick，但都有Haagen dazs，仲有好多唔同牌子既雪糕同雪条，想试晒但真