The Chippy (恆隆銀行大廈) (已結業)

尖沙咀Granville food square汇聚了各国嘅美食，而且开张已有一段时间，今日同朋友行开尖沙咀决定嚟一探究竟。我哋今次拣咗系由英国过嚟嘅地道炸鱼薯条。听讲呢间位于英国嘅总店非常有名，深受当地人欢迎。炸鳕鱼薯条12oz一上枱就已经比佢个份量吓亲，成只手臂咁长嘅鳕鱼柳炸到金黄香脆，内里嘅鱼肉依然保持鲜嫩，可能系因为用咗鳕鱼，肉质更为结实，唔会话一切开就散晒。除咗经典嘅他他酱同茄汁之外，仲有三款各具风味嘅秘制酱汁，分别系咖喱酱、青豆酱同牛肉酱。个人比较喜欢咖哩酱，香而不辣，青豆酱唔系个个人识欣赏，但绝对无草青味嘅感觉。鸡肉蘑菇批个批外层系酥皮整成，切开有丰富嘅蘑菇同鸡肉，有啲似巨型版嘅鸡批，够晒饱肚。饮品方面试咗两只英国当地嘅汽水，一只系杂莓味，而另一只就系菠萝西柚味，饮落都几fruity夏天饮够晒清爽。餐牌中更标明所有食材100%由英国入口，够晒正宗正统。