廢茶 (葵涌廣場) (已結業)

葵芳广场不嬲都好好行又多嘢食，今日喺𠮶度行完街，未到食饭时间，但系突然之间好口渴，想揾啲嘢饮下同埋食下，经过呢一间废茶，舖面好大，仲有好多好得意嘅树濑公仔，俾佢吸引咗！而且都几多人等紧，就拣佢饮嘢食嘢啦。我哋叫咗两杯嘢饮，一杯系黑糖珍珠口奶，令一杯系果茶，系菠萝茶。黑糖珍珠劲好味，感觉到好足料，牛奶味好香，黑糖味好浓，珍珠咬口好正，成杯都好出色，虽然佢叫Hea tea但系一啲都唔hea。朋友杯菠萝炒都试咗一啖，甜甜地茶味好香，唔会系一杯好酸嘅果茶。另外我哋仲叫咗个鸡肉卷同埋甜品，因为啲相好吸引。黑糖奶盖窝夫好正，即叫即整，窝夫，唔错，最正系黑糖奶盖呢个配搭超级正，好好味。鸡肉卷有四份，都唔错，有好香嘅蜜糖味。唔错嘅小食饮品店！下次经过再帮衬。