AGE Cuisine Express (已搬遷) 新店位置

本身以为观塘同埋荔枝角嘅工业大厦系最多嘢食，原来炮台山同埋北角呢边嘅工业大厦都好多隐世嘅美食，今日就嚟咗呢间朋友介绍嘅小店西餐。首先环境唔算大，但系装修都几靓，用木枱小怀旧又有啲文清嘅风味，我哋坐嘅位几适合影相。《凯撒沙律》$82食西餐头盘梗系要嗌个沙律啦，凯撒沙律仍然系最经典，份量好多，而且有我最爱嘅面包粒同埋烟肉碎，巴马臣芝士唔系芝士粉咁简单真系食到一片片，一啲都唔吝啬！《椰香辣酱烧春鸡伴炸薯条》$178呢个烧春鸡虽然等得耐少少，但系上枱果一刻都觉得好值得，春鸡超大只斩开咗两边，方便同朋友一人一只唔使切嚟切去咁麻烦，而且真系烧得好好，外皮好脆，鸡肉又唔会好干，辣辣地越食越开胃，而薯条就正正常常，分量取胜！《德国酥脆咸猪手伴普罗旺斯式酸菜及薄荷番茄酱》$188呢个咸猪手真系好出色，正宗之余真系整得好酥脆，猪手皮脆卜卜，而且猪手肉都唔会好干同埋好硬，口感来讲真系好唔错，仲有好多酸菜做点缀同埋配料，推荐！ 总括来讲虽然呢度比较隐世啲，但系食物真系好唔错比起好多街铺要出色得多，如果经过呢度不妨试吓。