御品千の味刺身壽司專門店 (海寶花園) (已結業)

专登揸车去大埔，就系为咗支持呢间良心小店。今次试咗午市套餐，好抵食呀！一坐低侍应就递上两杯热茶，好细心！我想讲呢样嘢虽然好普通，但我发现越来越少餐厅每一坐低就比杯茶你饮，所以好抵赞！角切鱼生饭嘅鱼生份量非常多，反而饭就比较少。起码有五至六种鱼生喺入边，虽然全部都系头头美味，但系绝对鲜味同埋好肥美，唔会比鱼生饭失色㗎。加钱可以配两款小食，我拣咗樱花卷同埋味螺肉，樱花卷啲飞鱼籽多到必晒出嚟，味螺肉正常水准。仲有沙律都唔错，又系有我最爱嘅飞鱼子喺入边。老公食嘅鱼生饭，佢话鱼生非常之新鲜，尤其是虾刺身，虾头入边完全冇苦味。