大呷台灣 (已結業)

今次第一次写食评，因为食物质素太差超难食。依间餐厅我行经过好多次但都无入过去，今日两点几钟，我又赶时间，见有好多位，就入去。都系谂住叫碗面，简简单单食饱就算，绝对无抱咩期望。手机落单叫左一碗肉燥面加贡丸同花枝丸，小菜叫盐酥鸡。盐酥鸡细细碟，细细粒，睇相都睇得出系好差。右边仲有一块得炸浆无肉嘅皮。碗汤面嘅肉燥好难食，味道又有d怪。深啡色嘅贡丸我咬左半啖都无再食，花枝丸望吓都无试。白面系正常嘅，红萝卜甜甜地，菜都正常。埋单有折，$71，可能因为下午茶时段所以有85折啦。但有折都无用，食物质素太差，超难食。