唐記包點 (堅拿道西)

营业中

休息中

今晚冇煮饭，买咗一堆唐记外卖返屋企，包括两个蒸饭套餐， $36有一个蒸饭+1个点心，我觉得好抵。另外，$18有3个蒸包，见到佢有牛肉煎包又买咗一个试吓，阿女钟意饮豆浆又买咗支俾佢，四个人嘅晚餐都只系104.5蚊，其实都好抵食。试咗佢新嘅梅菜肉饼饭，唔会太咸，味道刚刚好。另外，北菇蒸鸡饭啲鸡都蒸得好滑，不过啲鸡有骨，老公话咁样代表系鲜鸡。蒸包就买咗热卖嘅菜肉包、奶皇包和香芋包，菜肉包都OK，连阿女平时唔钟意食嘅佢都话好食，奶皇包就好有奶黄味，好足料！香芋包都有好香浓嘅芋头味，真系好似食紧芋头咁，阿女食得好开心。佢个包底张纸，仲会印着系乜嘢包，唔怕捞乱，非常好嘅设计。而且原来仲可以选择冻包，如果唔系即刻食嘅朋友，买冻包返去蒸，就唔怕淋晒啦。点心包括烧卖及鸡扎，当然无得输！很好吃！豆浆都唔错，有豆香味，佢写住用加拿大黄豆制造，饮得放心！我知道唐记支持环保，今次都有带盒走塑，不过买得太多装唔哂！大家都记得带拿去外卖呀！