京味居 (已結業)

行完山由赤柱落返中环，老友们不是港岛人，不熟中环区，是次由我发板。装修后环境干净o左，而且室内没有一阵怪怪味。由于大家不是太肚饿，所叫的亦不多。饺子三款，有羊肉、芹菜、白菜，其中以羊肉最好味，一来羊肉味道好呛，二来还有京葱，两者加埋就香上加香；而芹菜饺亦不错；白菜饺就较普通。小笼包-包皮竟与饺子皮一样，饺子有咁厚皮无可厚非，如果小笼包都是用咁厚皮，真系唔多好食，而且汤汁又少。酸辣汤-味道偏辣，酸味不够，但材料极多，可以加分。担担面-比以前有进步，面身好、又爽又弹牙，汤底又够浓，花生味好香，又有粒粒花生碎。雪菜肉丝炒年榚-这道较清，不算太多油，年榚做得唔错，软硬道适中。素鹅-我觉得烟熏味唔够，朋友就嫌太重。但料的甘荀、冬菇等就劲腍，唔多好食。咕噜肉-似是糖酸肉排多D，以我的标准是唔合格。银丝卷-睇落一般，我就无食，唔想浪费quota。每人再要一杯山渣茶或豆浆，山渣茶唔错，味道几清又唔会过甜埋单$350，真系劲抵。