Cossi (已結業)

因为我地好旱就约好左31号一齐出黎倒数，所以好早就BOOK定位了。所以一入到去已经唔洗排队，唔系既话呢D大事大节一定好多人等位。我地几个女仔去食，食量唔大，所以叫既野都唔多。我地叫左既野如下:呢个系一个前菜。类似牛肉粒。整到好软身，入口即溶，口感十足。龙虾烩饭。我本人几钟意呢道菜，因为D饭吸收晒海鲜味，特别鲜味可口。而且龙虾亦是新鲜的，很有鲜味，值得一试。海鲜意粉。本人觉得呢个冇烩饭做得咁出色。海鲜有鱿鱼、青口等，海鲜种类都多，朋友比较喜欢呢个多过龙虾烩饭，大家各有所好。猪手。可能是即叫即整既关系，所以等既时间较耐。所以热呼呼的。而且皮非常脆身，钟意食猪手皮既你一定岩晒。最后我地叫左一个甜品，焗玉桂苹果金宝件雪糕，同样都系热呼呼的，而且冷热交替、一冷一热之下十分好味，为今年既最后一餐完美作结。最后埋单一人大约200元，感觉上几唔错，系等待食物的时间长了点。而且光线暗暗的，非常适合情侣聚会。