翡翠拉麵小籠包 (已結業)

閒日晚飯二人行，女友忽然想食小籠包，上址雖然比較隱蔽，但依然俾佢發現，有食神。可能經濟唔好關係，招呼非常周到，茶水不缺(收茶錢每位$3嘅)，點咗"四川擔擔麵"(點少辣都得)、"小籠包"、"蔥油干撈麵"，"四川擔擔麵"先到，少辣都仲幾辣下，麻醬味濃，份量不少，ok。"小籠包"熱辣辣上枱，有肉有汁，皮厚薄適中，正!"蔥油干撈麵"，蔥油干好"un"，咬唔開，但蔥油味十足，撈麵好好食，附上上湯亦味道十足，絕配也。