亞里斯餐廳 (已結業)

九月廿九日, 今晚 Winnie 同我庆祝生日, 带咗我嚟呢间西餐食饭, 虾~ 我哋呢两年佢请我食生日饭定系我请佢食生日饭都系食西餐扒餐㖞~~呢度既罗宋汤都合格, 系油咗少少啫~个餐饱就好普通, Winnie 话佢早两日嚟食嘢个餐包系蒜蓉包嚟架㖞~其实有好多西式套餐选择, 不过由于我唔系太肚饿, 所以都系叫噃个「黑椒牛柳扒餐配薯菜」($73)!嚟到先知原来都几大份㖞! 仲系畀薯角添! 正!件扒我叫五成熟, 但都系似七成熟, 同埋多根位咗少少, 不过个汁都唔差架!至于 Winnie 就叫咗个「猪手餐」($69), 可以叫佢原只上或分件上都得,同埋原来功大份啰............. 我谂男仕食都分分钟食唔晒呀!咁啱今日 Winnie 又劲啱先食「午餐」, 所以最后食净咗三分二呢!最后一杯餐茶冻柠蜜, 都预咗啲蜜糖唔会好靓, 叫做合格咁啦!Winnie 话呢两条街最好食既算系呢间上楼西餐架喇, 其他都唔系好掂㖞!呢度既环境都几好架, 职员服务亦都合格,行开呢头想食嘢嚟呢间都唔错, 只系呢度有得睇波, 如果怕嘈又遇啱有波睇时间先再谂过其他餐厅啦!更详细资料及图片请看 : http://h