韓閣 (新都城中心二期)

营业中

休息中

见未食过呢一间韩国料理，所以晚餐就去咗试。因为都几肚饿，所以今次虽然得两个都嗌咗唔少嘢。韩国料理当然要食炸鸡啦，所以二话不说就点咗个甜酸酱韩式炸鸡。但系比想像中冇咁出色 。虽然佢唔系多骨，但系都有骨 。佢唔系净鸡髀肉，有啲鸡胸肉，好彩肉质都好淋好Juicy 。可惜个酱只系象征式咁淋咗一啲落个鸡面，唔系完全捞匀𠮶种。𠮶酱唔系特别出色，太杰，唔系太惹味。我第一次饮呢只大酱猪肉豆腐泡菜汤 。原来系咁好味嘅，啲大酱好香，唔会俾啲泡菜抢咗啲味 。啲猪肉片好爽，唔会嚡，而且份量都唔少。成个汤又唔会太辣，其实净系饮个汤都已经饱肚。最后呢个芝士泡菜炒饭简直系邪恶，咁多芝士又点会唔好味呀？简直食唔停口 。虽然好饱，但都成个食晒。