影片
更多
2011-06-19
58 浏览
虽然早几日先食过, 但系我又身痕想食海鲜, 所以我嘅脚步又不由自主咁咗去发记。因为正如我之前所讲一样, 发记真系南区最好而又开得最夜食海鲜嘅好地方。去到呢次就无咁好运, 因为今晚全塲爆晒, 好彩(定唔知系唔好彩)今次我都系一个人去, 而侍应又认得我, 所以就叫我搭枱, 我无问题, 我只系唔想等位啫, 况且咁耐都无搭过枱, 间中一次又有咩所谓呀!?几得意呀, 话晒N年无试过。今次我就想食其他嘢, 所以就叫咗个砵酒蒸基围虾、一个粉丝蒸天使蚌同一个上次令我回味无穷嘅白灼三宝。1)白灼三宝---味道同质素如何, 我就唔再多讲啦, 上次已经讲过, 令我可以再食嘅嘢, 我唔敢话系人间美味, 但系一定唔会差得去边!!!2)砵酒蒸基围虾---呢个系我好想食、但系一直无机会食到嘅!!!因为唔系卖晒就系无货。今次难得有, 我当然立即叫一个嚟食下。一嚟到, 非常香嘅砵酒味，咁嘅煮法食落令到啲虾好甜，而且估唔到基围虾嘅头都会有膏, 但系唯一美中不足系啲基围虾好几只唔够新鲜；喺我食嘅期间,我谂到下次食呢个煮法时, 可以俾多少少钱用海中虾或花竹虾嚟整，我相信效果会比基围虾好至少10倍。3)粉丝蒸天使蚌---恕我见
去到呢次就无咁好运, 因为今晚全塲爆晒, 好彩(定唔知系唔好彩)今次我都系一个人去, 而侍应又认得我, 所以就叫我搭枱, 我无问题, 我只系唔想等位啫, 况且咁耐都无搭过枱, 间中一次又有咩所谓呀!?几得意呀, 话晒N年无试过。
今次我就想食其他嘢, 所以就叫咗个砵酒蒸基围虾、一个粉丝蒸天使蚌同一个上次令我回味无穷嘅白灼三宝。
1)白灼三宝---味道同质素如何, 我就唔再多讲啦, 上次已经讲过, 令我可以再食嘅嘢, 我唔敢话系人间美味, 但系一定唔会差得去边!!!
2)砵酒蒸基围虾---呢个系我好想食、但系一直无机会食到嘅!!!因为唔系卖晒就系无货。今次难得有, 我当然立即叫一个嚟食下。一嚟到, 非常香嘅砵酒味，咁嘅煮法食落令到啲虾好甜，而且估唔到基围虾嘅头都会有膏, 但系唯一美中不足系啲基围虾好几只唔够新鲜；喺我食嘅期间,我谂到下次食呢个煮法时, 可以俾多少少钱用海中虾或花竹虾嚟整，我相信效果会比基围虾好至少10倍。
3)粉丝蒸天使蚌---恕我见识浅薄, 我唔系好知咩系天使蚌, 只系觉得天使蚌似系细只啲嘅贵妃蚌, 一食落去就知系新鲜嘢, 因为够弹牙同鲜味, 呢啲嘢无得人工做出嚟嘅! 而且, 又一次食到蒸到啱啱熟就送上枱嘅技巧之作!!!
好食嘅嘢, 其实唔需要啲咩宣传都自然有人会去食, 我一个人食到夜晚11点几, 都仲系有人不断入嚟, 可想而知呢度嘅食物水准系点, 最大缺点系我今晚只得一个人食, 想食多一、两个𩠌都唔得!
张贴
