影片
更多
2017-04-06
508 浏览
食完2样野仲有d饿，决定去食个盐水鸡先。因为上星期响台湾先食得𠮶1次，完全唔够喉…铺头得2个人，1个响入面煮紧野，另1个就响出面拆紧鸡，唔得闲落单住，排紧头位但我听到附近间铺叫紧我no., 唯有掉低个银包响柜面然后好厚面皮咁叫排后面𠮶个帮我睇住一阵饮住杯沙冰等多阵终于落单啦，要左个全脾餐连3配菜，要盐水汁＆小辣，外卖（因为想减又要食，所以决定去完葵广后就花45分钟行返屋企）一路行一路开餐啦，个卖相都唔错，睇落好吸引，即刻食旧鸡先……第1感觉系d肉好淋，第2感觉系偏咸好明显d鸡脾煮过火而且浸得太耐啦……青瓜，木耳，杏鲍菇好爽口，但d汁唔杰又唔辣，配菜几乎索唔到又沾唔上d汁，可能改要泰辣汁中辣可能会好味d虽然捞捞鸡既服务同念头几好，真系睇住佢地即时人手拆d鸡肉出黎，但都要好味先得架… 而且价钱真系几贵，1只脾加3款配菜就45蚊啦，加多10蚊8蚊其实我可以响茶记食个好味既海南鸡饭餐啦…我未必会再帮衬，但都希望佢地可以改善下啦
铺头得2个人，1个响入面煮紧野，另1个就响出面拆紧鸡，唔得闲落单住，排紧头位但我听到附近间铺叫紧我no., 唯有掉低个银包响柜面然后好厚面皮咁叫排后面𠮶个帮我睇住一阵
饮住杯沙冰等多阵终于落单啦，要左个全脾餐连3配菜，要盐水汁＆小辣，外卖（因为想减又要食，所以决定去完葵广后就花45分钟行返屋企）
一路行一路开餐啦，个卖相都唔错，睇落好吸引，即刻食旧鸡先……第1感觉系d肉好淋，第2感觉系偏咸
好明显d鸡脾煮过火而且浸得太耐啦……
青瓜，木耳，杏鲍菇好爽口，但d汁唔杰又唔辣，配菜几乎索唔到又沾唔上d汁，可能改要泰辣汁中辣可能会好味d
虽然捞捞鸡既服务同念头几好，真系睇住佢地即时人手拆d鸡肉出黎，但都要好味先得架… 而且价钱真系几贵，1只脾加3款配菜就45蚊啦，加多10蚊8蚊其实我可以响茶记食个好味既海南鸡饭餐啦…
我未必会再帮衬，但都希望佢地可以改善下啦
张贴
