影片
更多
2021-02-09
1583 浏览
星期六我同呀妈去铜锣湾买嘢过年，四周围都好多人，我哋行咗去鹅颈桥𠮶边食晏。「马泰」🇲🇾🇹🇭系一间值得推介嘅小店，之前食过觉得可以用平靓正形容。餐厅两点钟就已经开始做下午茶时段，周末亦唔例外，所以我哋都等咗阵先有位，人气超高👏。小店环境唔失礼，有墙画亦有用粉笔画嘅食物图。同时，呢度卫生唔错，餐具同餐枱都干净。下午茶套餐有相当多选择，定价介乎$52至$66不等，包主菜同饮品，另外仲可以加钱搭配小食。后尾我发现其实午餐都只系每款贵$10左右，喺呢区算几抵食👍。马来无骨海南鸡喇沙($62)，呢个组合简直系一次过满足两个愿望✌🏻。海南鸡同喇沙分开上，份量绝对无因为系茶市而减少。先讲海南鸡🐓，去骨确系方便食用，味道唔错兼肉嫩，并附有两款酱汁同花生萝卜丝一齐食，够正宗。但有少少可惜系鸡肉偏薄，鸡皮同鸡肉嘅比例系1:2。喇沙好足料🍜，有豆卜、辣椒酱、虾皮、半只蛋以及芽菜等。面底原来预设系参参，即系油面拼米粉，不过如果有得拣净米粉就更啱我。汤头带点椰香味，但辣度都唔弱。泰式青咖哩饭($62)，🥘咖哩有得拣牛肉或者鸡肉，因为呀妈唔食牛，所以都系拣咗鸡，估唔到鸡肉系用上大块煎鸡扒，大到可以切成八件，而且外皮
星期六我同呀妈去铜锣湾买嘢过年，四周围都好多人，我哋行咗去鹅颈桥𠮶边食晏。「马泰」🇲🇾🇹🇭系一间值得推介嘅小店，之前食过觉得可以用平靓正形容。
餐厅两点钟就已经开始做下午茶时段，周末亦唔例外，所以我哋都等咗阵先有位，人气超高👏。小店环境唔失礼，有墙画亦有用粉笔画嘅食物图。同时，呢度卫生唔错，餐具同餐枱都干净。
下午茶套餐有相当多选择，定价介乎$52至$66不等，包主菜同饮品，另外仲可以加钱搭配小食。后尾我发现其实午餐都只系每款贵$10左右，喺呢区算几抵食👍。
马来无骨海南鸡喇沙($62)，呢个组合简直系一次过满足两个愿望✌🏻。海南鸡同喇沙分开上，份量绝对无因为系茶市而减少。先讲海南鸡🐓，去骨确系方便食用，味道唔错兼肉嫩，并附有两款酱汁同花生萝卜丝一齐食，够正宗。但有少少可惜系鸡肉偏薄，鸡皮同鸡肉嘅比例系1:2。
马来无骨海南鸡喇沙
$62
24 浏览
0 赞好
0 留言
泰式青咖哩饭
$62
16 浏览
1 赞好
0 留言
马来杏仁虾饼(+$28)，我相信呢度嘅虾饼系自家制🍤，而唔系入货𠮶种水泡虾饼，感觉好有诚意。虾胶层够厚，虽然唔算超弹牙；外皮以杏仁片取代面包糠，食落无后者咁脆，但亦都无咁热气。
芭堤雅炭烧猪颈肉
$28
15 浏览
0 赞好
0 留言
斑兰椰汁冰
15 浏览
0 赞好
0 留言
总括嚟讲，小店嘅出品真系好高质😋，就连我妈都好满意。其实好食就系咁简单，无需浮夸嘅摆盘或刻意用上奢华嘅食材。食物以外，店员们态度都好好，有礼貌又会同客人吹水，服务亦贴心，会提供口罩纸袋。推介🌟！
张贴
