水蜜桃冰室 (已結業)

约咗巴打去旺角睇game，睇完之后行咗去女人街，打算揾一间餐厅歇一歇食晚餐，水蜜桃冰室有得据扒，啱晒我地两个食肉兽！先点个绿田园凯撒沙律，食多肉都要食d蔬菜平衡一下，都好大碟，菜好新鲜爽脆，有芝士粉，脆面包粒！火焰铁板纽西兰牛柳好霸气，铁板「吱吱」声，侍应会倒上酒，再用火枪，熊熊火焰！七成熟，配黑椒汁和薯菜，薯条脆卜卜好香口！有两大件牛柳，好淋，肉质弹牙，不会有筋，好食！跟餐还有餐汤和蒜蓉包，价钱相当亲民！另外再点咗日式苹果咖哩 鳗鱼蛋包饭，可以拣半条或者全条鳗鱼，我地觉得全条好似抵d！个蛋整得好好，扭纹好靓，蛋好滑！好满足！难得一见紧系要啤啤佢，我地叫咗alska 杂莓果酒同酒花香浓破格小麦啤，都几好饮，跟餐价都几抵，值得一试！