炑八韓烤 (已結業)

我同几个同学都系啲钟意悭钱嘅人，唔系话好平不过真系好抵。我地今次冇食烧烤真系有啲可惜，不过佢个啲饭都好好味，我地每人都叫左个鸡扒蛋包饭，$42野食来之前，又有好多前菜，有泡菜、豆芽、同埋类似腌制过嘅菜，样样都好好味，唔会酸过头，豆芽我地三个都争住食。佢地重送鱼汤，汤好入味，鱼嘅味道都好出，都有饮晒。重点来啦，个鸡扒蛋包饭真系好正！首先，佢有菜，对我呢啲每餐点都要菜嘅人来讲系一件恩物，酱汁都唔会太多太少。第二，佢啲鸡扒好大块，佢真系肉来嘅，冇欺骗我，唔会成旧都系皮，所以可以大大淡食，酱汁都几夹。最正嘅野就系佢嘅蛋包饭，外貌已经有100分，系个啲韩国好兴嘅有扭纹嘅蛋，蛋唔会过熟，一割落去有蛋汁，好正！蛋下面嘅饭系茄汁配饭，里面都有菇啊、菜啊个啲，唔系斋茄汁捞饭，怀疑佢系有炒过，因为佢个饭一啲都唔黏，系我钟意嘅干身，不过唔知点解觉得蛋同饭分开食好味啲😂。最后当然有食晒，实在系又抵又大份，值得一试！蛋包饭：价钱：❤️❤️❤️❤️外貌：❤️❤️❤️❤️❤️味道：❤️❤️❤️❤️CP值：❤️❤️❤️❤️❤️佢地餐厅嘅服务态度都唔错^o^