影片
更多
2019-03-31
78 浏览
近排天气冻返少少，就同朋友一齐打下边炉，一早就听闻养心殿既汤底养生又好味，所以我地就试下呢间。餐牌度有好多比较少见嘅菜式名，例如系：猪天梯、牛胸爽、新鲜鸡拂、台湾水晶冰菜等等，本身想试下牛胸爽，但因为每日数量有限，我地落左单店员话卖哂，so sad惟有下次黎试。汤底方面，我地点左麻辣锅同埋美人锅，麻辣锅可以免费追加鸭血一份，鸭血口感软滑，配上麻辣锅汤底非常惹味，如果唔系惊食唔哂其他野，我应该会再叫多份！至于美人锅，未放野食落去之前，我已经饮左一碗汤，个汤好足料，用左乌鸡、红枣、枸杞，仲有富有骨胶原既桃胶黎熬制，味道清甜，补而不燥，搞到我一边打边炉一边饮个汤，超正。不过，要弹嘅系个桃胶有d少，我同个fd每人得一啖份量，就冇哂，如果有多d桃胶会更好。由于担心打边炉食太多肉，我地就点左个蔬菜盘，菇同菜都有d，而d菜好新鲜翠绿，不过，粟米要早d放落去渌先得，如果唔系去到最后先渌，就会好似我地咁渌左好耐。呢度嘅雪花肥牛脂肪分布得好平均，食落唔觉肥腻；手打丸好新鲜弹牙，我最爱嘅系芝士牛肉丸，一咬落去d芝士就咇哂出黎，芝士控必食；而手包鱼皮饺都好好味。第一次食冰菜，坊间好多火锅店都冇呢款菜，一渌完棵
近排天气冻返少少，就同朋友一齐打下边炉，一早就听闻养心殿既汤底养生又好味，所以我地就试下呢间。
餐牌度有好多比较少见嘅菜式名，例如系：猪天梯、牛胸爽、新鲜鸡拂、台湾水晶冰菜等等，本身想试下牛胸爽，但因为每日数量有限，我地落左单店员话卖哂，so sad惟有下次黎试。
汤底方面，我地点左麻辣锅同埋美人锅，麻辣锅可以免费追加鸭血一份，鸭血口感软滑，配上麻辣锅汤底非常惹味，如果唔系惊食唔哂其他野，我应该会再叫多份！
至于美人锅，未放野食落去之前，我已经饮左一碗汤，个汤好足料，用左乌鸡、红枣、枸杞，仲有富有骨胶原既桃胶黎熬制，味道清甜，补而不燥，搞到我一边打边炉一边饮个汤，超正。
不过，要弹嘅系个桃胶有d少，我同个fd每人得一啖份量，就冇哂，如果有多d桃胶会更好。
由于担心打边炉食太多肉，我地就点左个蔬菜盘，菇同菜都有d，而d菜好新鲜翠绿，不过，粟米要早d放落去渌先得，如果唔系去到最后先渌，就会好似我地咁渌左好耐。
呢度嘅雪花肥牛脂肪分布得好平均，食落唔觉肥腻；手打丸好新鲜弹牙，我最爱嘅系芝士牛肉丸，一咬落去d芝士就咇哂出黎，芝士控必食；而手包鱼皮饺都好好味。
第一次食冰菜，坊间好多火锅店都冇呢款菜，一渌完棵野表面有好多水珠，口感滑潺潺咁，咬落好爽脆，好特别。
响Facebook 签到打卡会有野饮送，我就叫左杯杞子菊花玉露，饮落似菊花茶咁，唔太甜。
张贴
