花園餐廳 (已結業)

又黎到花园餐厅开餐，虽然佢既服务有一亿个唔掂，无计啦！间间lunch都要等，净系花园可以直入，你知点解啦！今次黎试下佢既铁板餐，平日食lunch set都要五十几蚊，宜家食块铁板都系六十几，OK㖞！叫左西冷牛扒三成熟，唔好以为三成黎到好生，OK架，上铁板三成，黎到岩岩五成，咁上下食时已经七，八成架啦！西冷扒好薄好易熟，肉质几嫩，咬落去有松化既感觉，牛味都有，切开无血水，可以放心食~牛扒底部配有薯菜，但菜得一条咁大把，硬到呢...薯条份量唔多，因为铁板上，黎到已经林晒，但加上蒜蓉味，好味！连埋冻饮加一多谢75蚊，咁"好"既服务态度，唔收加一我条气会顺啲。