米亭 (已結業)

今日要去深水埗买嘢，搞到三点先食晏，今晚又约左friend 食饭，所以谂住食少少野顶下肚先，咁岩行过见到哩间米亭，所以入去食碗饺子”浪”下胃。呢度环境唔错，我最钟意佢墙上𠮶幅好靓嘅画我点左和牛饺子配鸡汤，鸡汤超浓超好饮，每一啖都饮到”骨胶原”，因为佢绝对唔系史xx清鸡汤𠮶种咁稀嘅汤底，而系你会觉得用咗好多只鸡去熬嘅鸡汤😌😌至于和牛饺子，第一啖已经食到牛肉味好浓，真系皮薄馅靓，最估唔到就系和牛饺子配鸡汤系好夹。另外我追加左金丝蜜椒鸡翼，鸡翼外面炸到脆脆地，加咗蜜糖甜甜地，仲有少少黑椒令鸡翼有少少辣味，味道丰富，而且里面炸到好鲜嫩。豆浆：少少甜，豆味香浓另外佢有少少配菜：腌萝卜，酸酸甜甜，劲开胃；菜脯好脆口。最后个汤好味到我忍唔住饮晒