洪師父牛肉麵 (已結業)

之前去开台湾都有帮衬过洪师傅，而且次次都中意买佢地嘅牛肉干食。唔讲唔知，原来洪师傅竟然喺旺角依度开左铺，上网睇翻先知原来上年已经开左，仲要有唔同分店添。旺角依间喺大马路，位置好易揾，今日放工就专登过黎试下。因为近排疫情关系，开放嘅位置唔系好多，好彩早少少入，如果唔系就要慢慢等。一坐底发现每张台面都摆左支搓手液，都几贴心。晚市有dinner set，包一杯野饮，我叫左红烧牛肉面配珍珠奶绿，大概$70几蚊左右，我觉得价钱可接受。同埋野食都上得几快，叫完无耐就有。我拣左粗面，系我最爱嘅刀削面，面煮得岩岩好而且食落有口感。牛肉分量虽然唔多，不过煮得好淋，都唔错。唯一有样野系我觉得牛肉汤底比较淡味，唔够突出，如果再多翻啲牛肉鲜味就会更好。成碗面嘅分量我觉得麻麻啦，不过冻饮就好大杯。好欣赏杯奶绿唔会过甜，我觉得甜度岩岩好，唔会好似平时出面饮开𠮶啲珍珠奶茶咁全部都劲甜，而且珍珠都几Q弹，唔错。虽然食完之后始终觉得同台湾嘅有分别，系争左啲无咁好食，不过整体上我觉得可以黎试下啊。